Телеграм группада курсдошлар билан гаплашаётиб надомат
қилдим: "Эй, бир кунни белгилаб чойхона ташкиллаштирайлик, баҳонада
кўришамиз, беоқибат бўлиб кетаяпмиз борган сари". Ошналардан бири жавоб
қилди: "Оқибат нима дегани ўзи?".
Тўғри, бу ҳазил
тариқасида, вазиятни бироз юмшатиш учун айтилган. Лекин, бундай ўйлаб қараса,
кўпчилик одамлар наинки оқибат, яна шундай унли билан бошланувчи – одамийлик,
деган тушунчани ҳам унутишган.
Қорни тўқнинг – қорни оч билан, усти бутнинг – усти
юпун билан зиғирча иши бўлмай қолди. Ҳозир одамларни аҳволинг қандай экани
қизиқтирмайди. Қаерда ким бўлиб ишлаяпсан, маошинг қанча, қандай квартирада
яшайсан, кийиминг қайси давлатники, қўлингдаги телефон, тагигингдаги машинанинг
маркаси, етаклаб юрган кучугингни зоти... мана уларга нима қизиқ.
Қадр-қимматинг инсонийлик фазилатларинг билан эмас, жамиятдаги мавқеинг билан
ўлчанади.
Энди, вазиятга реал қарайдиган бўлсак, аслида ҳам
шундай бўлиши кераклиги ойдинлашади чамамда. Нимага деганда, ҳозир бозор иқтисодиёти:
ҳамма нарса пул билан ўлчанади, кўп нарсани пул ҳал қилади, майли, кичкина пул
билан бўлмаса, катта пул билан битади ўша қанақадур ишлар. Масалан, менга 300
миллион керак уй олишим учун. Банк аҳмоқ эмас, менга шунча пулни (мен учун бу
жуда катта пул, лекин бу пулга бир туки қилт этмайдиганлар ҳам бор) ўз-ўзидан
бериб қўймайди. Омонатга арзирли бир нима қўйишим керак. Шу пулни хемири йўғ-у,
гўзал ҳулқи бор ошнам беролмайди. Ёки унинг сермазмун мулоҳазаси қорнимни
тўйғазмайди.
Ҳозир замон шундай:
пулинг борми таша – яша, жаннатга хуш келибсан!
Модомики, шундай экан нима кераги бор ҳамма миллион
туда, миллион суда қилиб юрганда тўрт девор орасида, чириган стулга оманатгина
ўтириб жумла ясашни?!
Хуллас...
Миша-а-а! Чойхона отмень, уйда ўтирамиз!
Комментариев нет:
Отправить комментарий